Ethet e listave kanë përfshirë të dyja kampet politike. Partia Socialiste ka përfunduar në fundjavë konsultimet për kandidatët potencial që do të garojnë në zgjedhjet e 11 majit përballë koalicionit opozitar, drejtuar nga PD të cilët pritet të lançojnë nesër (12 mars), skuadrën e tyre.
Rama duket se e ka të qartë formacionin e përballjes politike. Sot në një takim me strukturat në Kavajë e Rrogozhinë, Rama ka prezantuar Elisa Spiropalin si deputete që do të përfaqësojë këto zona. Ai tha mes socialistëve se kryetarja e Kuvendit do të jetë më shpesh në këtë zonë pasi ajo do të jetë deputetja juaj.
3 emra nga kampi rozë që do të garojnë me siguri në zgjedhje janë mësuar. Bëhet fjalë për kryetarin e Bashkisë së Beratit, Ervin Demo, kryetarin e Bashkisë Mat, Agron Malaj dhe ai i Tepelenës, Tërmet Peçi.