Të enjten në “Opinion”, ish-kryeministri Sali Berisha arriti kulmin e audiencës televizive në momentin kur shfaqi në telefonin e tij një foto të Kryeministrit Rama duke marrë kokainë duke e drejtuar telefonin nga kamerat.
Fill pas këtij momenti ka ardhur edhe ndërhyrja e parë nga moderatori Blendi Fevziu i cili kundërshtoi me forcë atë foto duke u shprehur se ajo foto ka qarkulluar dhe herë të tjera dhe se është montazh.
Por Berisha ka insistuar për vërtetësinë e saj edhe pse ka hasur edhe kundërshtinë e fortë të panelit të gazetarëve të ftuar në emision.
Por si qëndron e vërteta e fotos që publikoi Berisha?
Kjo foto është publikuar në tetor të vitit 2018 nga portali informativ grek ‘in.gr’. Pas publikimit të lajmit, pak ditë më vonë ai u fshi nga web-news-i in.gr pasi u has me një valë kritikash dhe akuzash nga opinion publik, media të tjera dhe gazetarë grek për prodhim lajmesh të sajuara dhe fotomontazhesh të ulëta duke cënuar integritetin dhe imazhin e një personi publik pas asnjë fakt dhe argument.
Kundëpërgjigja e parë vjen nga portali: http://Ellinikahoaxes.gr i cili shkruan:
“Portale të mëdha informative [in.gr] po përhapin imazhe të rreme ku shihet që Edi Rama perdor kokainë.
Një tjetër qëndrim i ashpër vjen nga gazetari Damian Mac i cili shprehet se ” Nuk ka shpresë: Ta Nea dhe in.gr janë ndër faqet e internetit që publikuan këtë foto të rreme të kryeministrit shqiptar Edi Rama duke përdorur kokainë. Unë shpresoj që ai t’i padisë ata.
Pra kjo histori e ‘gatuar’ në kuzhinën informative greke u servir nga Ish-Kryeministri Berisha në “Opinion”. / tirananews.al
