Imazhi i parë i Sunny Williams dhe Butch Wilmore është befasues.
Nga kapsula dolën dy persona të rraskapitur, me fytyra “të qeta” dhe të lodhura – flokët e Williams ishin gri. Ajo që nuk dukej, nën kostumet e tyre, ishin efektet në trupin e tyre, të cilat mund t’i shoqërojnë përgjithmonë.
Williams, 59 vjeç dhe Wilmore, 62 vjeç, do të kalonin rreth dhjetë ditë në hapësirë në misionin Blue Origin, i cili u nis verën e kaluar. Problemet teknike me mjetin që e bënë të rrezikshëm kthimin e tyre i mbajtën ata në Stacionin Ndërkombëtar Hapësinor deri më sot, kur u kthyen me një automjet SpaceX.
Personeli i NASA-s që i priste i vendosi menjëherë në barela, sepse ishin ende shumë të dobët për të ecur. Shumë teste do të pasojnë në qendrën e NASA-s në Hjuston.
Mungesa e peshës bën që lëngu të grumbullohet në kokë, gjë që rrit presionin në sy. Një mundësi shumë e mundshme, duke qenë se qëndrimi në kushte mikrograviteti zgjatet, është ndryshimi i formës së syrit me ënjtje të nervit optik , si dhe palosjet në bebëzën.
70% e astronautëve kanë raportuar shikim të paqartë, një problem që mund të bëhet i përhershëm. Natyrisht, sa më gjatë të jetë qëndrimi në hapësirë, aq më të rrezikshme bëhen ndryshimet për astronautët.
Në të njëjtën kohë, presioni nga lëngu brenda kafkës, stresi dhe mungesa e gjumit mund të shkaktojnë një rënie të funksionit mendor. Astronautët përgjigjen më ngadalë, kanë mangësi në kujtesë dhe vëmendje dhe në marrjen e rrezikut.
Mikrograviteti relakson së tepërmi muskujt dhe skeletin e njeriut. Një astronaut i moshës 30 deri në 50 vjeç do të humbasë gjysmën e forcës së tij në gjashtë muaj në mikrogravitetin – ai do ta rifitojë atë pas të paktën gjashtë javësh kur të kthehet në Tokë.
