Kryetari i FRPD-së, Belind Këlliçi ka marrë pjesë në mbylljen e fushatës së partisë Popullore Europiane në Mynih. Këlliçi përmes një postimi në rrjet shkruan mbi takimet e zhvilluara, duke theksuar se me Manfred Weber, Europa në vitet e ardhshme do të jetë shumë më e fortë, e bashkuar dhe perspektiva europiane e Shqipërisë më e qartë dhe e sigurtë.
Këlliçi ndër të tjera shkruan, zgjedhjet e sotme jane historike per Europen pasi kandidati i EPP per President të Komisionit Europian Manfred Weber, me eksperiencën dhe vizionin e tij është i vendosur për ta mbajtur BE të bashkuar rreth vlerave të Kristian Demokratëve Europiane dhe larg populistëve e nacionalistëve të cilët duan të shkatërrojnë Europën.
Në permbyllje të këtij aktiviteti, nuk mund te mungonte dhe takimi me mikun e madh të Shqipërisë dhe PD, Presidentin e EPP Zhozef Daul, i cili ka qenë e vijon të mbetet një mbështetes kryesor dhe promotor i vlerave dhe parimeve themelore të demokracisë funksionale në vendin tonë. Me Weber, Europa në vitet e ardhshme do të jetë shumë më e fortë, e bashkuar dhe perspektiva Europiane e Shqipërisë më e qartë dhe e sigurtë.