Ministri i Ekonomisë, Kulturës dhe Inovacionit, Blendi Gonxhja priti ambasadorin e ri të Italisë në Shqipëri, Marco Alberti. Ata folën mbi lidhjet dhe nismat që thellojnë partneritetin mes dy vendeve, në shumë sektorë.
“Partneriteti mes dy vendeve tona mbetet një shembull i fortë i bashkëpunimit afatgjatë dhe të qëndrueshëm në të gjitha fushat”, është shprehur Gonxhja në rrjetet sociale.
Në qendër të vëmendjes së këtij takimi, ishin marrëdhëniet kulturore, me fokus te Java Kulturore Italiane. Një aktivitet që sjell më pranë traditën, artin dhe krijimtarinë italiane për publikun shqiptar.
Pensionet, inovacioni, investimet direkte, kualifikimet profesionale, qenë të tjera tema kryesore të këtij takimi pune.