Kryeministri i vendit Edi Rama, ministri i Shtetit për Pushtetin Vendor, Arbjan Mazniku ndodhen sot në Elbasan.
Kryeministri Rama theksoi se transformimi i Parkut Metalurgjik do të hapë perspektiva të reja për Elbasanin duke e kthyer në epiqendër të inovacionit dhe zhvillimit, si një qendër e energjisë së pastër, prodhimit të avancuar dhe teknologjisë së qëndrueshme.
Shefi i qeverisë theksoi se në këtë projekt do të përfshihet dhe Korporata Shqiptare e Investimeve. Sipas tij, kjo zonë do të kthehet si një hapësirë për të gjitha grupet shoqërore.
“Korporata shqiptare e investimeve do jetë pjesë e këtij projekti sepse patjetër që për gjitha sa u prezantuan këtu, do jetë e rëndësishme që edhe pala shtet përmes instrumenteve shtet të jetë e pranishëm dhe të planifikojë dhe pjesën e vet të investimeve që duhet të bëjë. Këtu duhet të këtë vend dhe për të gjitha moshat dhe kategoritë që duhet të vijnë në këtë territor. Jo vetëm biznes, por edhe sot, edhe kulturë dhe janë të gjitha mundësitë që kjo do bëhet”, theksoi ai.