Është nata gjysmëfinale e spektaklit të talenteve “X Factor Albania”. Katër konkurrentët e mbetur do të luftojnë për një biletë në finale që do t’i afrojë ata në ëndrrën e fitores.
Por rruga deri këtu nuk ka qenë e lehtë për shumë prej tyre dhe vetë kjo mbrëmje është një fitore. Moderatorja Alketa Vejsiu ndan me publikun një bisedë në prapaskenë me Petron, konkurrentin e Soni Malajt. Pa u ndalur te detaje të hollësishme, ajo la të kuptohet se konkurrenti ka kaluar shumë sfida e vështirësi dhe sonte që vjen në gjysmëfinale, është fitore për të.
Alketa Vejsiu: Petro fliste me mua para pak ditësh në korrridoret e Televizionit Klan dhe tha gati me një lot në sy, “sikur ta dish çfarë sakrificash kam bërë për të ardhur këtu në ‘X Factor’” dhe më tregoi paak jetën e tij dhe m’u kujtua se çfarë ndodh me njeriun në fëmijërinë e tij, në sfondin që vendoset jeta, varfëria, problemet, dramat, sfidat, maloret, ferrat që duhet të kapërcejë njeriu. Unë nuk do të shkoj në detaje konkrete, por historia e tij ëështë prekëse dhe si shumë të tjerë pas Petros, është familja e tij me sakrificat e mëdha dhe kur tha “unë ia dola që të vij këtu, të kaloj fazën e vilave, për mua ishte patjetër një fitore e madhe. Sot që jam në gjysmëfinale unë jam fitues i këtij ‘X Factor’-i”, kështu që pas performancave të tyre ka shumë dhimbje, ka shumë përpjekje dhe histori të patreguara që ndonjëherë, kur të bëhen të mëdhenj këta artistë, do t’i dëgjoni në intervista ku do të duan t’i kenë nëpër studio televizive, për vëmendje, për më shumë klikime, për më shumë spektakël. Ky është Petro që është zbuluar në “X Factor”, një djalë i thjeshtë, me shumë pasion për muzikën që do të sjellë një këngë të Eugent Bushpepës që quhet “Drejt finishit” dhe ja kështu drejt finishit, me ëndrrën e tij ai erdhi deri në gjysmëfinale.