Shumë liderë evropianë këtë mëngjes kanë dënuar tarifat e Trump. Disa më me forcë se të tjerët, por shumica prej tyre bien në një mendje, kur bëhet fjalë për ndikimin që do të kenë këto tarifa në vendet e tyre.
Përballë shumicës “dëshpëruese” nga tarifat e SHBA-së, është Hungaria, kryeministri i së cilës Viktor Orban është një aleat kyç i Trump.
Ministri i Jashtëm Peter Szijjarto nuk i përbuzi fjalët e tij mëngjesin e sotëm kur fajin për tarifat e hodhi në këmbët e BE-së, duke thënë: “Është vërtetuar sërish se në Bruksel institucionet evropiane po drejtojnë njerëz të paaftë, të cilët po vuajnë edhe nga një ‘Trumpfobi’ shumë e rëndë”.
Szijjarto argumentoi se Evropa ka një tarifë 10% për SHBA-në në sektorin e automobilave kundrejt tarifës 2.5% të SHBA-së për Evropën. Sipas tij tarifat evropiane duhet të ishin ulur në 2.5% ndaj SHBA-së dhe më pas mund të ishte krijuar një pozicion negociues.
“Ne i bëjmë thirrje me forcë Komisionit të BE-së që të bashkohet dhe të negociojë me amerikanët, të negociojë për bashkëpunimin doganor, sepse nëse vazhdojnë kështu, do të jetë një goditje tjetër për komunitetin evropian”, tha Szijjarto.