Vendi ynë do të vijojë nën dominimin e kthjellimeve dhe vranësirave të shpeshta gjatë gjithë paradites ku në zonat veriore dhe pjesërisht në qendër do të krijohen mundësi për reshje të pakta shiu;
Gjatë orëve të pasdites; vranësirat e dendura do të jenë prezente në të gjithë territorin e vendit ku në skajin verior dhe verilindor do të ketë rrebeshe të izoluara shiu; Të njëjtat kushte atmosferike do të na shoqërojnë edhe gjatë natës.
Temperaturat e ajrit do të pësojnë sërish rritje duke luhatur vlerat ditore nga 5°C vlera minimale e shënuar në zonat malore deri në 26°C vlera maksimale që do të shënohet në zonat bregdetare.
Era do të fryjë mesatare përgjatë gjithë ditës duke arritur shpejtësinë maksimale 35 – 40 km/h nga drejtimi kryesisht Jugor; kjo do të bëj që në brigjet detare të krijohet dallgëzim mbi 2 ballë.
Kosova
Territori i Republikës së Kosovës; do të karakterizohet nga kthjellime dhe vranësira kalimtare gjatë orëve të paradites, por pasditja dhe në vijim; sjellin vranësira disi më të shpeshta në të gjithë territorin e Kosovës ku më të theksuara do të jenë në zonat veriore dhe veriperëndimore; megjithatë nuk priten reshje.
Temperaturat e ajrit do të pësojnë rritje si në mëngjes edhe në mesditë duke u luhatur nga 3°C vlera më e ulët në Mitrovicë deri në 18°C vlera më e lartë në Prizren e Gjakovë.
Era do të fryjë e lehtë paradite, por deri mesatare gjatë pasdites duke arritur shpejtësinë 38 km/h nga drejtimi kryesisht Jugor.
Maqedonia e Veriut
Përgjatë gjithë 24-orëshit; Republika e MV do të jetë nën ndikimin e motit të kthjellët dhe vranësirave të herë pas-hershme ku më të dukshme vranësirat do të paraqiten gjatë orëve të pasdites; në zonat Jugore dhe Perëndimore.
Parashikohet që mbrëmja dhe nata; ti bëjnë më prezente vranësirat në të gjithë territori e MV.
Temperaturat e ajrit do të rriten sërish në vlerat minimale dhe maksimale duke luhatur vlerat ditore nga 4°C vlera minimale në qytetin e Ohrit deri në 20°C vlera maksimale e cila do të shënohet sërish në Shkup.
Ndërkohë; ERA do të paraqitet e lehtë deri mesatare duke arritur shpejtësinë maksimale deri në 38 km/h nga drejtimi Jugperëndimor.
Europa
Si pasojë e zhvillimit të një qendre të fuqishme Ciklonare në Veri – Verilindje të kontinentit Europian; do të diktojë kushte të paqëndrueshme atmosferike në; Europën Veriore, rajonin e Baltikut si edhe zonën e Alpeve duke sjellë; reshje të dendura shiu e dëbore.
Po ashtu; me vranësira; rrebeshe shiu si edhe stuhi të forta ere do të mbeten ishujt Britanikë dhe gadishulli Iberik, ndërsa pjesa tjetër e kontinentit të Europës do të paraqitet nën ndikimin e masave ajrore me origjinë Perëndimore duke kushtëzuar; mot të kthjellët dhe relativisht të ngrohtë.