Pas një skene dhune, shtëpia më e famshme pritet të kthehet në një ambient festiv. Dasma tradicionale e Big Brother VIP Albania do të ndodhi sonte. Gjesti ka bërë një kërkesë të veçantë për të organizuar një dasmë me Eglin brenda shtëpisë, dhe ai mori përgjigjen zyrtare.
Teksa finalistët u mblodhën në dhomën e ndenjës, Gjesti lexoi një zarf të Vëllait të Madh që përmbante lajmin. ”Finalistë, Vëllai i Madh ka marrë në konsideratë kërkesën e Gjestit për të organizuar për herë të fundit këtë sezon, dasmën tradicionale të Big Brother. Sonte ka festë me të ftuar shumë specialë. Vëllai i Madh do të kujdeset për çdo detaj”.
Pas leximit, Gjesti u ngrit dhe përqafoi Eglin, e cila u shfaq e habitur nga surpriza, duke e pyetur: “Kur e bërë këtë kërkesë?”. Emocionet ishin të mëdha, dhe edhe Rozana iu bashkua përqafimeve, duke uruar çiftin. Tani të gjithë presin me padurim dasmën që pritet të jetë një nga momentet më të bukura dhe të komentueshme të këtij sezoni.