Gjykata e re e Parisit është evakuuar sot si pasojë e një kërcënimi për bombë. Alarmimi është bërë pas një njoftimi për prezencë të një bombe në katin e parë të ndërtesës, e cila ndodhet në periferitë veriore të kryeqytetit francez.
Policia ka rrethuar menjëherë zonën, ndërkohë që në vendngjarje kanë mbërritur edhe shërbimet zjarrfikëse. Evakuimi është bërë në mënyrë të organizuar dhe pa incidente.
Ngjarja vjen në një kohë kur Franca po përjeton tensione në disa burgje të vendit, përfshirë të shtëna me armë dhe zjarrvënie ndaj automjeteve, çka ka shtuar shqetësimet për sigurinë publike.