Një fëmijë shqiptar, e quajtur Hera Çoba ka qenë e fundit që ka takuar Papa Françeskun në sheshin e Shën Pjetrit ditën e Pashkës.
Kjo është bërë me dije nga Dom Gjergj Meta. Ai ka publikuar një video në rrjetet sociale, shkruan se fëmija quhet Hera Çoba dhe është vajza e Nikoll Çobës dhe Franga Prengës, me origjinë nga fshati Jubë i Durrësit e që jetojnë në Gjermani.
”Vijnë nga një familje e nderuar me të cilën njihemi me qindra vjet, duke qenë se na ndan vetëm lumi Erzenit nga fshati ku kam jetuar edhe unë. Ma dërgoi sot vetë babai i Herës, Niku, dhe më lejuan ta publikoj. I falenderoj e i urojmë jetë të gjatë Herës së vogël e pastë bekimet e Zotit”.