Procesi i votimit të shqiptarëve në Diasporë vijon, ndërsa deri sot ora (16:20) janë 193,823 zarfe të marra nga zgjedhësit të cilët janë regjistruar për të marrë pjesë në zgjedhjet parlamentare të 11 majit.
Sipas shifrave të bëra publike nga kryekomisioneri Ilirjan Celibashi “rreth 22% e zarfeve të fletëve të votimit të dërguara tek zgjedhësit që jetojnë jashtë territorit të Shqipërisë, tashmë janë kthyer në Komisionin Qendror të Zgjedhjeve”.
Sipas të dhënave të KQZ-së janë 55 761 zarfeve të mbërritura në KQZ. Votuesit në diasporë kanë kohë ta plotësojnë dhe ta dërgojnë fletën e votimit me postë deri në javën e parë të muajit maj. Çdo votë që mbërrin pas datës 11 maj, ora 19:00, do të konsiderohet e pavlefshme.