Kandidatja e PD-së në listën e hapur, Jorida Tabaku vijon takimet në qarkun Tiranë. Këtë herë në Facebook ka postuar një videomesazh, ku tregon se çfarë ka arritur si deputete dhe ku do të fokusohet puna në vijim.
Jorida Tabaku ka shprehur angazhimin se pas 11 majit, fokusi i Partisë Demokratike do të jetë te mbështetja konkrete për blegtorinë, bujqësinë dhe çdo qytetar që jeton dhe punon me ndershmëri në Shqipëri.
”Më 11 maj, voto zërin që të dëgjon. Zërin që flet për nënat, për të rinjtë, për profesionistët, për çdo familje që punon me ndershmëri. Zëri yt është Jorida Tabaku! Voto për të ardhmen”,-shkruan Tabaku.