Partia Socialiste zhvilloi këtë mbrëmje takimin përmbyllës elektoral në qarkun e Beratit. Kreu i PS-së, Edi Rama gjatë takimit shoqërohej nga drejtuesi politik socialist i qarkut Berat, Ervin Demo dhe nga anëtarët e tjerë të listës së PS për këtë qark.
Në çelje të takimit, Ervin Demo tha se vota në 11 maj është për Edi Ramën dhe PS, për të realizuar misionin historik të integrimit në Bashkimin Evropian të vendit tonë.
Demo tha se Berati gjatë qeverisjes socialiste është transformuar si nga infrastrukturore, ashtu dhe nga ana kulturore, por edhe turistike.
“Më 11 maj në qarkun tonë do të votohet në 5 bashki, do të votohet numri 5, dhe nuk ka shanse që Berati të dalë pa 5 mandate në 12 maj”, theksoi Demo.