Një konflikt i rëndë ka shënuar mes disa vajzave në Korçë pasditen e sotme, i cili ka degraduar deri në përdorimin e shisheve të qelqit, duke lënduar kështu një prej tyre.
Ngjarja ka ndodhur në afërsi të një lokali tek Bulevardi Republika.
Vajza e lënduar nga thyerja e shishes së qelqit, ndodhet në spital për mjekim. Kjo e fundit dyshohet se administronte një faqe Instagrami, ku degradonte vajza të mitura me foto dhe video intime. Dyshohet se kjo faqja është bërë molla e sherrit mes vajzave të përfshira në konflikt. Kjo faqja administrohej nga e lënduara P.M., së bashku me një shtetase tjetër.
Sakaq, vajzat e tjera janë shoqëruar në Komisariat për veprime të mëtejshme. Nuk dihet nëse ato janë “pre” e kësaj faqe Instagrami.