Kandidatja e PD-së në listën e hapur në Tiranë, Jorida Tabaku vijon që të ndjekë procesin e numërimit. Ajo shprehet se PD synon që të marrë 14 mandate në qarkun e Tiranës.
”Nuk di të them, mendoj se është tek 14 numri i mandateve, jam e sigurt që duke u numëruar kutitë projeksioni do të ndryshoje, nuk dua të bëj parashikime. Këtu janë njerëz që po përkushtohen në mënyrë të jashtëzakonshme.
Ne jemi akoma në proces numërimi, në proces të çdo kutie për të përfunduar. Do ta shohim trendin e kandidatëve nesër në mëngjes. Janë vetëm degët elektronike të Vorës dhe njësisë 10 që kanë përfunduar. Këto zgjedhje janë një mundësi e humbur në integrimin europian”, tha Jorida Tabaku.