Analisti Arjan Curri ka pyetur për Gazment Bardhin. Andi Mustafaj, i cili është edhe zëdhënësi i fushatës së PD, ka pasur një përplasje me analistin, teksa ky i fundit ka kritikuar largimin e Bardhit nga fokusi i zgjedhjeve.
Arjan Curri: Keni informacion për vendndodhjen e Gazment Bardhit? Se jemi të shqetësuar për shëndetin dhe sigurinë e tij. Jemi të shqetësuar se është zhdukur, nuk po e gjen dot njeri.
Andi Mustafaj: Unë nuk jam i deleguar në Fier, kështu që nuk e di.
Arjan Curri: Unë jam i shqetësuar realisht.
Andi Mustafaj: Nuk kam informacione që ai ka probleme shëndetësore. Nuk e di.
Arjan Curri: Mendoj se mund ta kenë marrë peng, a është mirë, a është lokalizuar?
Andi Mustafaj: Nuk ka rrezik ta kenë marrë peng.
Arjan Curri: Nga zyra dhe duke tërhequr numëruesit nuk fitohet. Duke lënë numërimin dhe të ikësh të shohësh ndeshjen, jeni kaq fresk.