Sali Berisha ka komentuar rezultatin e zgjedhjeve që e nxjerrin presidentin e Partisë së Lirisë, Ilir Meta jashtë Parlamentit. Ai mbrojti Metën duke e cilësuar “viktimë të terrorit politik” dhe duke akuzuar kryeministrin Edi Rama për përdorimin e drejtësisë si mjet për të goditur kundërshtarët politikë.
”Ilir Metës i bëhet lufta më e egër që i është bërë ndonjëherë ndonjë njeriu nga armiku i votës së lirë, Edi Rama. Ta mbash në burg për të fituar është terror politik”,-u shpreh Berisha.
Në të njëjtën dalje për shtyp, kreu i PD vlerësoi listën e hapur të partisë që ai drejton, duke e cilësuar atë si një mundësi reale për përfaqësim dinjitoz në Kuvend. ”Lista e hapur e PD kishte kandidatura të shkëlqyera, burra e gra me CV të admirueshme. E them me bindje të plotë”.