Në fjalimin e fitores së thellë të PS në zgjedhjet parlamentare të 11 Majit me 83 mandate, kreu i socialistëve Edi Rama falënderoi publikisht edhe bashkëshorten Linda Rama.
”Falënderimin më të veçantë e kam për të vetmen opozitë që unë vazhdoj të mos arrij ta mund dot, por shyqyr që më pranon në qeverinë e unitetit, Linda Ramën, mamanë e paepur të Zahos, nënën kryelartë të Reas dhe shoqen besnike të Gregut.
Linda është shtylla që i mban të katërt këndet e këtij tavani, shumë faleminderit grua. Besoj se unë flas edhe në emrin tënd, duke falënderuar Zahon, i cili na rri ngjitur si bateri me energji diellore”,-tha Rama.