Sali Berisha vijon takimet për disfatën e PD-së në zgjedhjet e 11 Majit, ku fituan 50 mandate, kurse PS doli me 83. Sakaq, Berisha ka zhvilluar një mbledhje me drejtuesit politikë të qarqeve, që ka zgjatur rreth 30 minuta. Në fokus të takimit ka qenë mbledhja e të dhënave dhe provave për parregullsitë dhe manipulimet e pretenduara në zgjedhjet e 11 majit.
Çdo drejtues pritet të dorëzojë një raport të detajuar mbi problematikat e evidentuara në zonën që mbulon, të cilat do të përfshihen në një përmbledhje zyrtare që po përgatitet nga PD.
Ky raport do t’i dërgohet më pas kancelarive ndërkombëtare dhe faktorit ndërkombëtar, me synimin për të treguar, sipas PD-së, se zgjedhjet nuk janë zhvilluar në përputhje me standardet demokratike.