Partia Demokratike do kërkojë bashkë me pavlefshmërinë e zgjedhjeve në Tiranë e Durres edhe rinumërimin e votave për kandidatët, duke cuar në Komisionin e Ankesave dhe Sanksioneve të gjitha kërkesat e kandidatëve të saj të cilët pretendojnë se gjatë numërimit ka pasur parregullsi.
Ankimimet që ka depozituar Partia Demokratike për qarkun e Tiranës dhe Durrësit përfshijnë edhe rinumërimin e votave në të dy këto qarqe dhe mësohet se javën e ardhshme kur të shqyrtohen ankimimet në Komisionin e Ankesave dhe Sanksioneve PD do të paraqesë bashkë me pretendimet për përsëritjen e zgjedhjeve edhe kërkesat e kandidatëve për rinumërimin e votave.
Një ditë më parë Komisioni I Ankesave rrëzoi kërkesat e kandidatëve të PD; Ilir Alimehmeti, Mimoza Hadarmataj, Lisandër Hoxha e Ilirjana Kucana për hapjen e kutive dhe rinumërimin e votave.
Kodi Zgjedhor I njeh të drejtën për të bërë ankimim vetëm partisë dhe kandidatëve të pavarur; por jo kandidatëve që garojnë bashkë me partinë; ndaj kërkesa e tyre për rinumërim u rrëzua një ditë më parë në KAS.
Në datat 4 dhe 5 qershor do të shqyrtohen ankimimet e PD për qarqet Durrës e Tiranë e mbetet për tu parë se cfarë do të vendose KAS për rinumërimin e votave për kandidatët.