Kuvendi i Serbisë ka miratuar raportin për Kosovën të cilin e ka përpiluar zyra për Kosovën në Qeverinë e Serbisë.
Raporti u miratua me 145 vota për, katër kundër ndërkaq 13 deputetë nuk kanë votuar. Një pjesë e opozitës serbe nuk ka marrë pjesë në punimet e Kuvendit.
Presidenti i Serbisë, Aleksandar Vuçiç gjatë diskutimeve dyditore të raportit në Kuvendin e Serbisë ka thënë se “Serbia duhet ta pranojë se e ka humbur kontrollin mbi Kosovën dhe se duhet të gjejë kompromis me Prishtinën për të normalizuar raportet”.
Deputetët kanë diskutuar për raportin që ka 82 faqe dhe në të cilin në 17 faqe paraqiten të dhënat mbi dialogun ndërmjet Beogradit dhe Prishtinës nga viti 2013 deri në maj 2019, ndërsa pjesa tjetër paraqet “rezultatet më të rëndësishme të zyrës për Kosovën nga maji 2014 deri në vitin 2019”.
Në raport thuhet se dialogu në çdo drejtim ka punuar për interesant e serbëve si dhe gjatë periudhës së bisedimeve është arritur të ruhet qetësia në Kosovë dhe më gjerë.
Bisedimet ndërmjet Kosovës dhe Serbisë për normalizimin e raporteve kanë filluar në vitin 2011. Palët kanë akuzuar njëra tjetrën për moszbatim të marrëveshjeve të arritura në kuadër të këtij dialogu.
Pala serbe është tërhequr nga dialogu për normalizimin e marrëdhënieve me Kosovën, prejse kjo e fundit, në nëntor të vitit të kaluar, u ka vënë taksë 100% mallrave të importuara nga Serbia.
Vuçiç ka thënë se nuk do t’i rikthehet procesit, i cili ka nisur në vitin 2011, derisa kjo taksë mbetet në fuqi, por kryeministri i Kosovës, Ramush Haradinaj, ka këmbëngulur se ajo nuk do të hiqet derisa Serbia nuk e njeh Kosovën.
Dy lagje të reja në kryeqytet marrin zgjidhje për furnizimin me ujë të pijshëmBanorët e rrugës “Fortuzi” të cilët deri më sot vuanin nga mungesa e ujit të pijshëm nuk do ta kenë më këtë problem.
Grupet e punës së Ujësjellës Kanalizimeve të Tiranës kanë mundësuar lidhje të reja me rrjetin e ujësjellësit për të gjithë banorët të cilëve u mungonte një shërbim i tillë. Tashmë ata jo vetëm do të kenë furnizim normal me ujë të pijshëm, por edhe një shërbim cilësor në çdo rast problematike.
Grupet e UKT-së kanë ndërhyrë të zgjidhin edhe problematikat në rrjetin e ujësjellësit në rrugën “Preng Bibë Doda”. Specialistët e ujësjellësit kanë riparuar të gjitha saraçineskat e dëmtuara për shkak të presioneve gjatë furnizimit me ujë duke bërë të mundur që qytetarët të mos vuajnë nga mungesa e ujit.
Grupet e Ujësjellës Kanalizimeve të Tiranës janë gjithmonë në dispozicion të qytetarëve për çdo problematikë apo ankesë që ata mund të kenë.