Close Menu
Tirana News AlbaniaTirana News Albania
  • Kreu
  • Aktualitet
    • Politikë
    • Kronikë
    • Rajon&Bota
    • Ekonomi
  • Lifestyle
    • Shëndeti
    • ShowBiz
    • Horoskopi
    • Kulinari
  • OPED
  • Vendi Im
  • Gjurmë
  • Teknologji
  • Sporti
Facebook Instagram
  • Kontakt
  • Politikat e privatesise
Facebook Instagram
Tirana News AlbaniaTirana News Albania
  • Kreu
  • Aktualitet
    • Politikë
    • Kronikë
    • Rajon&Bota
    • Ekonomi
  • Lifestyle
    • Shëndeti
    • ShowBiz
    • Horoskopi
    • Kulinari
  • OPED
  • Vendi Im
  • Gjurmë
  • Teknologji
  • Sporti
Abonohu
Tirana News AlbaniaTirana News Albania
Rajon&Bota

27 palestinezë vriten pranë një pike ndihmash në Gazë

11:20 / June 3, 20252 Mins Read
Facebook LinkedIn Email WhatsApp
bb968bcc 20aa 408f 8cc0 ab2fe72165cf w1023 r1 s sd
Share
Facebook LinkedIn Email WhatsApp

Të paktën 27 palestinezë u vranë dhe dhjetëra të tjerë u plagosën nga zjarri izraelit pranë një qendre shpërndarjeje ushqimi në pjesën jugore të Rripit të Gazës, thanë autoritetet lokale shëndetësore të martën.

Ushtria izraelite tha se forcat e saj hapën zjarr ndaj një grupi individësh që kishin devijuar nga rrugët e caktuara afër qendrës së shpërndarjes së ndihmave humanitare, në Rafah.

Ushtria izraelite shtoi se ende po hetonte çfarë kishte ndodhur.

Vdekjet ndodhën disa orë pasi Izraeli njoftoi se tre ushtarë izraelit ishin vrarë në luftime në pjesën veriore të Gazës, ndërsa forcat izraelite vazhdojnë ofensivën kundër militantëve të Hamasit që ka shkatërruar një pjesë të madhe të enklavës.

Reuters nuk mundi të verifikonte në mënyrë të pavarur raportet nga veriu dhe jugu i Gazës.

Fondacioni Humanitar i Gazës, i mbështetur nga SHBA-ja, hapi javën e kaluar qendrat e para të shpërndarjes së ndihmave me qëllim të lehtësimit të urisë së përhapur në mesin e popullsisë së rraskapitur nga lufta, shumica e të cilëve janë detyruar të braktisin shtëpitë për t’i shpëtuar luftimeve.

Plani i ndihmave i këtij fondacioni, i cili anashkalon organizatat tradicionale humanitare, është kritikuar ashpër nga Kombet e Bashkuara dhe organizata të njohura humanitare që thonë se ai nuk ndjek parimet humanitare.

Grupi privat, i cili është i mbështetur nga Izraeli, tha se të martën në mëngjes kishte shpërndarë 21 kamionë me ushqim dhe se operacioni ishte zhvilluar “në mënyrë të sigurt dhe pa incidente brenda qendrës së shpërndarjes”.

Megjithatë, ka raportime të vazhdueshme për vrasje, ndërsa turma të njerëzve grumbullohen për të marrë ndihma jetike.

Të dielën, zyrtarë palestinezë dhe ndërkombëtarë raportuan se të paktën 31 persona u vranë dhe dhjetëra të tjerë u plagosën. Të hënën, thuhet se tre palestinezë të tjerë u vranë nga zjarri izraelit.

Ushtria izraelite ka mohuar se ka shënjestruar civilët që po mblidheshin për të marrë ndihma dhe i ka quajtur raportimet për vdekjet gjatë shpërndarjes së ndihmave të dielën “trillime” nga Hamasi.

Sekretari i Përgjithshëm i OKB-së, Antonio Guterres, tha të hënën se ishte “i tmerruar” nga raportimet për palestinezë të vrarë dhe plagosur ndërsa kërkonin ndihma, dhe kërkoi një hetim të pavarur.

Izraeli e nisi fushatën ushtarake në Gaza pas sulmit të 7 tetorit 2023, kur militantë të udhëhequr nga Hamasi vranë 1,200 persona dhe morën 251 pengje.

Në luftime që pasuan, më shumë se 54,000 palestinezë janë vrarë, sipas autoriteteve lokale shëndetësore./REL

gaza palestineze pike ndihmash viktima Vrasje
Share. Facebook Twitter Pinterest LinkedIn Email WhatsApp

Postime te ngjashme

Analiza e CNN: Trump rrezikon t’i kushtojë sërish humbje republikanëve në vitin 2028

17:34 / November 15, 2026

Sulmuan me armë kishën ortodokse në Jordani dhe vranë nëntë persona, dënohen me vdekje tre autorët

16:07 / November 15, 2026

Kina teston avionin e parë elektrik/ CE-25A mund të transportojë deri në 19 pasagjerë

16:05 / November 15, 2026

Meta gjobitet me 805 milionë euro në Itali, aksesoi fotot e përdoruesve pa lejen e tyre

12:14 / November 15, 2026
Add A Comment
Leave A Reply Cancel Reply

This site uses Akismet to reduce spam. Learn how your comment data is processed.

© 2026 TiranaNews. Te gjitha te drejtat e rezervuara.
  • Kontakt
  • Politikat e privatesise

Type above and press Enter to search. Press Esc to cancel.