Për herë të 26-të ka dështuar në Kuvendin e Kosovës konstituimi i qeverisë së re, pas zgjedhjeve të 9 shkurtit. Analisti Mentor Kikia mendon se ky ngërç në Kosovë është interesi më i mirë që mund t’i bëhet interesave serbe.
Në Log, Kikia thekson se problemi qëndron tek shmangia e prioriteteve dhe pazaret tipike ballkanase.
Zgjidhje sipas tij, do ishte një qeveri koalicioni dhe jo një mazhorancë absolute, që do dëmtonte demokracinë.
Kikia: Situatë e cila gjithkujt i bën mirë përveç Kosovës. Kur e shikon së jashtmi thua që është shërbimi më i mirë interesave serbe që nuk kanë nevojë të mbushen manastire me armë. Historia na ka mësuar se antishqiptarët më të devotshëm i gjen mes shqiptarë, për një karrige kanë qenë të gatshëm të shesin interesat e kombit. Gjëja më e rëndësishme është shmangia e të tilla dhe deklarimi i prioriteteve. Nuk e di nëse Albin Kurti vendos të heq dorë nga kandidatura që e mban të bllokuar, do ta zgjidhte këtë ngërç. Është çështje pazaresh tipike ballkanase. Kemi vuajtur nga qeveritë absolute. Një ligj zgjedhor i dha krahë mazhorancave të fuqishme.
Ajo që po ndodh sot fitorja pa fitore e një partie që nuk e bën dot qeverinë. Duhet të ketë aleanca parti të vogla, kërkojnë të marrin pjesë pushteti shumë më të madhe. Mendoj se qeveritë me koalicione, mazhorancat e dobëta i bëjnë më mirë demokracisë. Në një vend ku mungon kultura demokratike për të parë në interes të vendit, nuk e di nëse do ishte zgjedhja e parakohshme zgjidhje.