3 ditë zi kombëtare pas masakrës në shkollë

3 ditë zi kombëtare në kujtim të viktimave të sulmit në një shkollë në Graz. Vendimi është marrë nga kancelari austriak Christian Stocker. Ai tha gjithashtu se nesër në orën 10:00 do të mbahet një minutë heshtje në të gjithë vendin. Nëntë persona humbën jetën dhe 12 të tjerë u plagosën në sulm. Autori dyshohet se ka hapur zjarr në dy klasa. Gjatë një kontrolli në shkollë, autori i dyshuar u gjet i vdekur në njërën nga tualetet. Ai ishte gjithashtu nxënës në shkollën e mesme dhe thuhet se e konsideronte veten viktimë të bullizimit. Raportohet se nxënësit në shkollën e mesme janë 14 vjeç e lart.