Komisioni i Ankimimeve dhe Sanksioneve ka rrëzuar kërkesën e Partisë Socialiste. Për rinumërimin e votave, PS ka kërkuar që gjatë procesit të rinumërimit, të llogariten si vota për kandidatët edhe rastet kur x ose + është vendosur jashtë kuadratit në fletë, por përbri tij.
Kujtojmë se më herët këto fletë votimi, ku x ose + janë shënuar jashtë fletës së votimit, janë cilësuar si të pavlefshme nga Komisioni Qëndror i Zgjedhjeve.
Nga rinumërimi i votave që po bëhet në disa qarqe të vendit, nuk ka pasur ndryshime shumë thelbësore për partitë politike, por vihet re se në Tiranë, PS dhe PD kanë pësuar rënie me disa dhjetëra vota.