Vlora tërheq çdo vit mijëra turistë vendas e të huaj, pasi është një ndër qytetet me plazhet më të bukura në vendin tonë.
Prej datës 15 qershor ka nisur operacioni “Plazhe të Pastra”, përmes të cilit Agjencia Kombëtare e Bregdetit mbështet 8 bashki bregdetare në pastrimin e plazheve, përfshi edhe Vlorën.
Kryeministri Edi Rama ka postuar një video nga plazhi publik në Vlorë, i cili po frekuentohet nga qytetarë të shumtë në këto ditë vere.
Në stacionet e plazheve publike të ngritura në Vlorë, këtë vit të ketë edhe çadra të dedikuara për turistët dhe banorët e qytetit, të ofruara falas nga bashkia. Stacione plazhi publike me çadra falas ka edhe në Radhimë, Orikum, edhe në plazhin e Zvërnecit.