Salla e studimit të Drejtorisë së Përgjithshme të Arkivave vjen do të jetë e hapur deri në orën 19.00, duke mos sjellë pengesë për këdo, student, historian apo studiues.
Kjo risi fillon që nga data 15 qershor 2019 dhe gjithashtu Salla do të qëndroj e hapur edhe ditën e shtunë.
Kjo është një risi që u vjen të gjithë studiuesve dhe të gjithë të interesuarve që duan të shfrytëzojnë ambientet e sallës së studimit. “Ashtu si dhe në arkivat më të mëdha perëndimore, është një ndihmë që iu vjen studiuesve të cilët tashmë nuk kanë nevojë që të marrin leje nga puna e tyre, në mënyrë që të vijnë në arkiv, po kanë mundësi që të programojnë kohën, të vijnë atëherë kur ata kanë mundësinë dhe të mundet të nxisim në këtë formë studimet, sidomos në fushën albanologjike, ku Arkivi Qendor Shtetëror është burimi më i madh”, tha drejtori i DPA, Ardit Bido.
Por gjithashtu një tjetër risi është dhe modernizimi i saj. “Pas dy viteve që ne kemi punuar për këtë risi tashmë janë pjekur kushtet dhe kemi mundësuar nëpërmjet sistemeve elektronike që të ndahet puna e vendruajtes dhe e sallës përmes procedurës dhe jo përmes pranisë fizike të individëve, sikurse kemi dhe bazën ligjore që na i mundëson këtë gjë”, tha Bido.
Të pranishëm ishin edhe Drejtori i Arkivave të Ministrisë së Mbrojtjes Teki Kurti, Drejtori i Kërkimeve Shkencore në Akademinë e Sigurisë Xhavit Shala, Pedagogu i Fakultetit Histori-Filologji Artan Puto dhe studiues të tjerë të cilët mbështetën këtë nismë që ndihmon dhe lehtëson punën studimore.