Palmeirasi vijon rrugëtimin në Kupën e Botës për Klube. Skuadra e drejtuar nga Abel Ferreira triumfoi me rezultatin 1-0 ndaj Botafogos në një derbi tepër të ndezur brazilian, duke siguruar një vend në çerekfinale të turneut.
Pjesa e parë u karakterizua nga një lojë e kujdesshme dhe e balancuar, por në fraksionin e dytë Palmeirasi mori kontrollin e lojës, duke vënë në vështirësi të mëdha kundërshtarin. Portieri John Victor mbajti në lojë Botafogon me disa pritje vendimtare, por nuk mundi të ndalë goditjen e Paulinhos në minutën e 99-të, e cila rezultoi fatale.
Me këtë fitore, Palmeirasi kalon në fazën tjetër të kompeticionit dhe tani pret të mësojë kundërshtarin e radhës: Benficën ose Chelsean.