Kryebashkiaku i Ersekës, Erion Isai, njëherësh aktor dhe regjisor në një intervistë të dhënë së fundmi ka ndarë disa detaje nga jeta e tij personale, vetëm pak kohë pasi konformoi se ishte divorcuar nga bashkëshortja para dy vitesh.
Isai nuk rrëfeu arsyet që e çuan në divorc, por megjithatë tha se moment i vështirë ka qenë përshtatja me nocionin e një familjeje të re.
“I vetmi moment i vështirë është përshtatja me nocionin e një familjeje të re, që vajzat duhet të ndajnë kohën me nënën e tyre më vete dhe me ty më vete… Por është një shkallë që ti e bën dhe ecën”, u shpreh ai.
Kryebashkiaku nënvizoi se marrëdhënia që ka me vajzat është shumë më i thellë se sa kufizimet që mund të përcaktojë një vendim gjykate.
“Marrëdhënia ime me vajzat është përtej ditëve të caktuara nga gjykata, përtej detyrimeve dhe kuotave të caktuara. Është një marrëdhënie e shkëlqyer”, tha Erion Isai në ‘Goca dhe Gra.
Ndërkohë sa i përket jetës sentimentale, ai zbuloi se është i dashuruar, por pa dhënë detaje se cila është vajza që i ka rrëmbyer zemrën
“Nuk ka asnjë artist që jeton pa dashuri. Po, kam një vajzë në jetën time”, u shpreh Isai.