Deputeti i zgjedhur i PS-së, Agron Malaj u paraqit këtë të martë në Gjykatën e Posaçme.
Ai ka kallëzuar për shpifje Xhelal Mziun në GJKKO. Padia erdhi pas një deklarate të bërë nga Xhelal Mziu një ditë përpara zgjedhjeve të 11 Majit, se automjeti që përdorej nga Malaj ka shpërndarë para në këmbim të votave.
Më 10 maj, një ditë para zgjedhjeve u shënua një incident, ku simpatizantët e PD-së ndaluan një automjet duke pretenduar se personat që ishin në të, po shpërndanin para me qëllim blerjen e votave në favor të Partisë Socialiste. Sikurse koha e tregoi, gjithçka rezultoi një akuzë false nga ana e Xhelal Mziut. Kjo solli dhe kallëzimin e depozituar në SPAK nga Agron Malaj ndaj Xhelal Mziut.