Nuk u bë deputete, Rama emëron Ina Majkon si zv/ministre

Ina Majko është emëruar në detyrën e zv/ministres së Shëndetësisë dhe Mbrojtjes Sociale. Vendimi është marrë këtë të mërkurë në mbledhjen e Këshillit të Ministrave. Majko ishte po ashtu kandidate për deputete në zgjedhjet e 11 majit, por kryeministri Edi Rama premtoi se nëse ajo nuk do të arrinte të zgjidhej në Parlament, do të ishte pjesë e qeverisë. Për t’i hapur vendin Majkos, është marrë po ashtu vendimi për shkarkimin nga pozicioni i zv/ministrit të Shëndetësisë për Niko Hykën.