Në Gjykatën e Shkallës së Parë të Rrethit Gjyqësor Fier po mbahet seanca për shqyrtimin e kërkesës për lirim me kusht të ish-deputetit të Partisë Demokratike Ervin Salianji.
Në këtë seance pritet te jepet vendimi i gjykatës.
Shërbimi i provës pritet të paraqesë raportin e tij në bazë të të cilit trupi gjykues i përbërë nga gjyqtar Noel Veizi dhe Prokuror Genci Mane, do të vendosë për pranimin ose rrëzimin e kërkesës.
Në seancën e kaluar raporti i vlerësimit nga IEVP, rezultoi pozitiv sipas avokatit mbrojtës Ledio Brahio.
Salianji ka deklaruar se është viktimë e një procesi të montuar politik dhe se është dënuar politikisht.
Ai është shpallur fajtor për kallëzim të rremë në lidhje me denoncimin e çështjes “Babale”.
Salianji ndodhet në qeli prej tetorit 2024 pas vendimit të Gjykatës së Apelit në 26 shtator, e cila la në fuqi vendimin me 1 vit burg.
Në këto kushte janë përmbushur dy të tretat e dënimit dhe për këtë arsye ish-deputeti kërkon liri me kusht.