Pas dorëheqjeve të drejtorëve, Bashkia e Vlorës shpall vakancat për pozicionet respektive. Kreu i Bashkisë së Vlorës, Ermal Dredha, përmes një postimi në rrjetet sociale fton të interesuatit të dorëzojnë dokumentacionin brenda afateve të përcaktuara në çdo shpallje. Kujtojmë se dy ditë më parë, kryetari i Bashkisë së Vlorës, Ermal Dredha, një ditë më parë ka firmosur dorëheqjet e të gjithë drejtorëve të bashkisë.
Takimi u zhvillua me dyer të mbyllura rreth orës 09:00 të ditës së martë në ambientet e bashkisë, ku Dredha ka firmosur dorëheqjet e 25 drejtorëve dhe përgjegjësve të institucioneve vartëse lokale.
Ky vendim vjen në kuadër të reformave që po ndërmerren për ristrukturimin dhe eficiencën e administratës vendore, si dhe për t’iu përgjigjur thirrjes së fundit të kryeministrit për përgjegjësi të reja në nivelet drejtuese.
Pritet që në ditët në vijim të zyrtarizohen edhe emrat e rinj që do të marrin drejtimin e sektorëve kyç në Bashkinë e Vlorës.