Ish kreu i grupit parlamentar të LSI-së, Petrit Vasili duke komentuar raporti progresin e KE thotë se negociatat me BE nuk hapen për shkaqe themelore, që sipas tij janë korrupsioni galopant që ka pushtuar vendin.
Si rast konkret ai përmendi dy konçesionet Milot-Balldren dhe Orikum-Dukat që sipas Vasilit i kushtojnë shqiptarëve 400 miliardë lekë.
“Rruga Milot – Balldren që lidh dy funde rrugësh. Rruga e ka çmimin 15 milionë euro kilometrin. Një shtesë rruge fushore nga Orikumi në Dukat e ka çmimin mbi 5 milionë euro. Pra siç e shikoni qeveria jo vetëm që nuk bën hapa pas, por ecën përpara dhe galopon në korrupsion. Dhe kjo është ajo që e mban Shqipërinë jashtë Europës. Dhe kjo është arsyeja pse opozita dhe mijëra qytetarë shqiptarë janë aty sepse nuk duan që nga xhepi i parave të tyre të paguhen pafundësisht miliona euro”, tha Vasili në një dalje për mediat.
Ai bëri sërish thirrje shqiptarëve që të protestojnë më 2 qershor për të larguar qeverinë Rama.