Në gushtin e vitit 1949, u ushtrua një terror i pashembullt mbi Mirditën. Përveç arrestimeve e internimeve të shumta, me 17 gusht 1949, u ekzekutuan padrejtësisht në Qafë-Valmiri 14 mirditas të pafajshëm, burra të nderuar të Mirditës, nga familje të përmenduna dhe me kontribute në historinë krahinore, por edhe me gjerë.
U varën në litar Ded Preng Gjomarkaj, Dod Mark Biba, Pjetër Ded Vila, Dod Llesh Paloka dhe u pushkatuan: Nikoll Bardhok Bajraktari, Nikoll Llesh Bajraktari, Llesh Gjon Melyshi, Ndrec Mark Ndoj, Preng Shkurt Nikolli, Bardhok Dod Gjini, Frrok Ndue Mata, Gjergj Keç Beleshi, Gjin Gjok Kaçi, Ndoc Gjet Çupi.
Për afro 5 dekada të regjimit komunist, Mirdita, simbol qëndrese, vuajti padrejtësisht kalvarin e gjatë të vrasjeve dhe të persekutimit.
