Armando Broja debutoi me asist te Burnley, në sfidën kundër Derby e vlefshme për Carabao Cup.
Sulmuesi i Kombëtares e nisi titullar me ekipin e ri, teksa iu deshën vetëm katër minuta lojë për të qenë protagonist.
Broja asistoi për Ramsey, me këtë të fundit që nga brenda zonës nuk gaboi. Kujtojmë se Broja kaloi te Burnley këtë verë nga Chelsea, me kontratë deri në 2029.
Këto janë minutat e para për Brojën me Burnley, pasi në dy ndeshjet e para të kampionatit u la në tribunë për shkak të formës fizike.