Rama: Ndryshe nga cfarë është thënë lidhur me prurjet e këtij viti, aktualisht dhe këto janë shifra jo opinione, sezoni turistik veror, ka sjellë që deri tani ne të kemi mbi 9 milionë vizitorë, gjysmë milioni më shumë. Kjo është ‘rënia’ e komentuar ashtu sikundër edhe një e dhënë tjetër që dua ta theksoj është se nuk është e vërtetë që numri i vizitorëve nga Kosova ka rënë, nuk figuron. Përkundrazi ka një rritje, që nuk është e madhe pasi ka pak ose aspak shqiptarë në Kosovë që nuk kanë qenë më parë në Shqipëri
Vlen të theksohet rritja nga Franca, Gjermania, nga Kina, India, Brazili, Australia apo edhe rritja nga Turqia apo Izraeli. Destinacioni në tërësi po sjell rritje. Kjo, për të dhënë një informacion të saktë, jo se ne tani kemi objketiv rritjen në numër, nuk është ky objektivi ynë. Rritja në numër për ne nuk është më prioriteti i parë. Për ne prioriteti i prioriteteve është rritja e cilësisë dhe rritja e numrit të turistëve dhe vizitorëve që konsumojnë më shumë këtu në vendin tonë. Një gjë do theksoj nga të dhënat për të thënë se saturizmi dhe Shqipëria turistike ndihmon kombin në aspektin e imazhit ndërkombëtar dhe perceptimin e të tjerëve për ne.
Ka një përputhshmëri shumë interesante mes rritjes së numrit të vizitorëve dhe përmirësimit të perceptimit. Sjell si shembull Francën, që në Eurobarometrin e fundit, ka një perceptim pozitiv për Shqipërinë që nuk mund të imagjinohej jo shumë vite më parë kur Shqipëria dhe shqiptarë në Francë shihej ‘dele e zezë’.