Dy probleme u trajtuan sot nga kryetarët e bashkive dhe përgjegjësit e zyrave arsimore të Qarkut Dibër gjatë takimit me Prefektin Nexhbedin Shehu.
Duke raportuar në lidhje me masat e marra për mbarëvajtjen e vitit të ri shkollor vendorët u shprehën se janë bërë përpjekje për mirëmbajtjen dhe pajisjen e shkollave me mjetet më të domosdoshme.
Kryebashkiakët theksuan se vazhdon të mbetet problem emërimi i oficerëve të sigurisë në disa shkolla të Dibrës, Klosit e Matit. Kjo sepse kriteret e vënë nga dikasteri nuk plotësohen nga aplikuesit. “Ka raste, thanë ata, që drejtori i shkollës është me barchelor ndërsa roja kërkohet me master, kjo duket absurde”.
Problem tjetër u evidentua rënia e numrit të nxënësve krahasuar me një vit më parë. Në katër bashkitë e këtij rajoni këtë vit janë regjistuar në shkolla 591 nxënës më pak se viti i kaluar. Në Dibër janë regjitruar 250 nxënës më pak, në Bulqizë 202, në Klos 70 dhe në Mat 69 nxënës më pak.
Edhe në shkollën profesionale ka rënie të numrit të nxënësve.