Ambasadori i Ukrainës në Shqipëri, Volodymyr Shukrov, është transportuar me helikopter nga Voskopoja drejt Tiranës për shkak të një situate të vështirë shëndetësore.
Burime nga policia thanë se Shukrov ndodhej në një vizitë private në fshatin turistik të Voskopojës dhe pasi ka bërë 7-8 km ecje bashkë me gruan, është kthyer në qendër të fshatit dhe teksa pinte kafe është ndjerë keq. Ndihmën e parë mjekësore ia ka dhënë një infermier nga qendra mjekësore në Voskopojë e prej andej është transportuar me urgjencë drejt spitalit rajonal të Korçës. Mjekët thonë se ambasadori ka pësuar një infarkt dhe ndaj është vendosur më pas të sillet me helikopter drejt Tiranës.