Një 63 vjeçar, banues në bashkinë e Klosit është prangosur dje nga efektivët e policisë lokale për veprën penale “marrëdhënie seksuale me dhunë me të rritura”, mbetur në tentativë.
Njoftimi i policisë Dibër Drejtoria Vendore e Policisë Dibër
Specialistët e Seksionit për Hetimin e Krimeve të Komisariatit të Policisë Mat, arrestuan në flagrancë shtetasin I.C., 63 vjeç, banues në Klos, për veprën penale “Marrëdhënia seksuale me dhunë me të rritura”, mbetur në tentativë, pasi dyshohet se ka tentuar të kryejë mardhënie seksuale me dhunë, me një shtetase 64-vjeçare.
Specialistët e Seksionit për Hetimin e Krimeve të Komisariatit të Policisë Bulqizë, referuan materialet në Prokurori dhe shpallën në kërkim shtetasin D.T., 27 vjeç, banues në Bulqizë, pasi dyshohet se për motive të dobëta, ka goditur me mjet prerës një shtetas 24- vjeç, i cili është në kujdesin e mjekëve. Punohet për kapjen e tij.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.