Zv.ministri i Jashtëm, Gent Cakaj, është shprehur se projekt-rezoluta e parlamentit holandez për rikthimin e vizave për Shqipërinë ka qenë më shumë për konsum të brendshëm politik për shkak të zgjedhjeve europiane.
Ndërkohë qeveria hollandeze ka dorëzuar sot zyrtarisht në Komisionin Europian projekt-rezolutën e miratuar pak kohë më parë në parlament, për rikthimin e vizave për shqiptarët.
Me këtë veprim qeveria holandeze dëshmon se e ka seriozisht projekt-rezolutën e miratuar dhe mbi të gjitha që nuk e ka përdorur rikthimin e vizave për shqiptarët si populizëm dhe për konsum të brtendshëm politik.
Qeveria holandeze e bëri dorëzimin e projekt-rezolutës në Komisionin Europian ditën e sotme pas zgjedhjeve europiane, duke treguar se nuk ka bërë asnjë veprim në kohë zgjedhjesh.