Seanca pasardhëse, ku do prezantohej programi i Qeverisë dhe miratimi i kabinetit të ri qeveritar, pati tensione dhe zgjati më pak se 25 minuta, por duket se kryetari i Kuvendit Niko Peleshi po tenton të qetësojë situatën, edhe pse opozita ka kërkuar mocion për shkarkimin e tij.
Kryeparlamentari ka thirrur një mbledhje të Konferencën e Kryetarëve, ditën e hënë në orën 11:00, ku kërkon që opozita të miratojë listën e anëtarëve të komisioneve të përhershme të Kuvendit dhe emrat zëvendësues.
Në seancën plenare të pasdites të së martës, Kuvendi miratoi vetëm emrat e socialistëve tek kryesitë e komisioneve të përhershme parlamentare, për shkak se opozita e braktisi atë seancës, teksa nuk kishte dërguar as emrat e saj. E pranishme në sallën e seancave plenare, nga Partia Demokratike ishte vetëm deputetja Jozefina Topalli, e cila votoi kundër, ndërsa 77 socialistë votuan pro.