Donald Trump premtoi te liderët arabë se nuk do të lejojë kryeministrin izraelit, Benjamin Netanyahu, të aneksojë Bregun Perëndimor. Lajmi raportohet nga Politico, duke cituar disa burime të informuara mbi takimin që presidenti amerikan zhvilloi të martën me liderët arabë në margjinat e Asamblesë së OKB-së.
Trump u paraqiti liderëve një dokument që përshkruan planin e administratës së tij për të vënë fund luftës dhe përfshin premtimin për Bregun Perëndimor, si dhe çështjet e qeverisjes dhe sigurisë pas luftës.