Një ngjarje si në skenat e
filmave horror ka ndodhur në Zyrih të Zvicrës mëngjesin e kësaj të premteje.
Një burrë i moshës 60-vjeçare ka rrëmbyer dy gra dhe më pas i ka qëlluar me
armë për vdekje. Pas krimit të dyfishtë 60-vjeçari ka vrarë edhe veten.
E gjithë ngjarja tronditëse ka filluar rreth orës 5:30 të ditës së sotme, ku
një grua thirri policinë dhe kërkoi ndihmë. Vetëm pak minuta më pas një grua
tjetër mori për ndihmë në polici ku deklaronte se kishte dëgjuar të bërtitura
në banesë.
Policia pas telefonatës shkoi menjëherë në vendin nga ku ishte kërkuar ndihmë
dhe më pas kishte gjetur një burrë që kishte marrë peng dy gra.
Rreth tre orë më vonë, në orën 8.30, burri deklaroi se donte vetëm
10 minuta kohë por vetëm pak minuta më pas ai ekzekutoi dy gratë dhe më pas
qëlloi për vdekje edhe veten. Gratë e vrara ishin të moshë 38 dhe 34 vjeç.
Add A Comment