Nën kujdesin e Klubit Letrar “Pjetër Budi” Mat u zhvillua në qytetin e Burrelit Festivali i Nëntë Kombëtar i Poezisë “Muza poetike budiane”. Pjesëmarrja e gjerë, me autorë të afirmuar e të rinj, e shndërroi festivalin në tribunë të gjallë sensibilizimi kombëtar dhe urë lidhëse të dashurisë për poezinë.
Organizatorët falenderuan deputetin e Kuvendit të Shqipërisë Agron Malaj dhe kryetaren e Bashkisë Klos Valbona Kola për mbështetjen dhe kujdesin e treguar për zhvillimin e këtij eventi të rëndësishëm.
Edhe këtë vit morën pjesë në konkurim poetë nga rrethe të ndryshme të Shqipërisë, nga Kosova, Maqedonia e Veriut dhe nga Diaspora, duke sjellë risi, vlera të reja, zëra të rinj, perceptime të larmishme, interesim të dukshëm.
Për fituesit dhe disa nga kontribuesit u dhanë çmime dhe çertifikata mirënjohje.