Këshilli i Ministrave në mbledhjen e kësaj të mërkure, vendosi që të ndryshojë drejtuesit e dy prefektuarave. Arben Çuko, prefekt i Qarkut të Fierit, lirohet nga kjo detyrë dhe në vend të tij caktohet Anduel Xhindi.
Ndryshimi tjetër vjen në prefekturën e Vlorës, ku largohet Plator Nesturi, i cili zëvendësohet nga Evis Allushi.
Në vendim thuhet se ky akt hyn në fuqi menjëherë dhe do të botohet në Fletoren Zyrtare. Dokumenti mban firmën e Kryeministrit Edi Rama dhe përmbyll ciklin e ndryshimeve të fundit në administratën territoriale.