Tirana nuk do të marrë pjesë në Europë për sezonin 2019-2020 edhe nëse fiton Kupën e Shqipërisë. Klubi bardheblu nuk e kaloi fazën e parë të licensimit dhe apeloi vendim, por sërish ka marrë përgjigje negative për shkak të borxheve të pashlyera.
Burimi që nuk kërkon të identifikohet nga institucioni që drejton futbollin në vend bën me dije për Rtv ORA, se Tirana nuk ka përmbushur kriterin financiar dhe për këtë arsye nuk është lincesuar.
Presidenti i Tiranës, Refik Halili deklaroi se ka shlyer pjesën më të madhe të borxheve dhe ishte optimist se do të lincesoheshin, por doli blof.
Ekipi ka shlyer borxhin e mbetur të futbollisti Gjergji Muzaka, por problemi janë detyrimet me tatimet dhe për këtë motiv, Tirana nuk ka marrë dritën jeshile. dy vite më parë, Tirana u ndëshkuan me mosdhënien e parave që fituan nga pjesëmarrja në Europë, për shkak se kishin shkelur rregullat e “Fair Play”-it Financiar.
Në këto kushte, Kupa e Shqipërisë humbet rëndësinë për bardheblutë, pasi edhe nëse e mposhtin Kukësin, nuk do të marrin pjesë në Europë.
Sipas klasifikimit i takon Skënderbeut të kualifikohet, pasi e mbylli kampionati në vend të katërt, por klubi korçar është dënuar me 10 vite mospjesëmarrje në kompeticionet europiane nga UEFA dhe presin vendim nga CAS.
Edhe Flamurtari i pesti në klasifikimi nuk është lincesuar për shkak të borxheve dhe në këtë mënyrë i hapin rrugën Laçit të luajnë sërish në turin e parë të Europa League./ Oranews/