Magazina e një lokali të vogël është përfshirë nga flakët mbrëmjen e kësaj të marte në Ishull Lezhë.
Zjarri ka përfshirë pjesën e pasme të lokalit që shërbente për mezeri, duke djegur disa orendi shtëpiake.
Zjarri dyshohet të ketë rënë si pasojë e shpërthimit të dy bombulave të gazit, pasi kryefamiljari ku i kishte vendosur në punë dhe po bënte kazanat e rakisë.
Sapo kanë marrë njoftimin, forcat zjarrfikëse mbërritën në zonë ku falë ndërhyrjes së shpejtë u arrit izolimi dhe fikja e plotë duke mos lejuar përhapjen në pjesën e lokalit dhe banesave të tjera përrreth.
Policia e Lezhës po kryen të gjitha hetimet për të zbardhur të plotë shkaqet e këtij zjarri.